మన సారధి .. మన సచివుడు..

ఈ రోజు మా అయ్య వెళ్ళి పోయిన దినం..
 సమయం రాత్రి మూడు .. 
 మంచం చుట్టూ  శిష్యులు ..
దశమ స్కంధం పుట్టపర్తి నోట పొంగింది 
మరణ వేదమై ..
......
....

అదే రోజు .. 
ఏకాదశి పుణ్య తిథి .. 
తెల్లవారి ..
గబ గబా స్నానం చేసి..
కలశం పెట్టి సత్యనారాయణ వ్రతం మొదలు పెట్టాను .. 
జీవితంలో సత్యనారాయణ వ్రతం వదలద్దు..
అమ్మ మాటలు..
అయ్యా నాకేమైనా చెప్పు..
నీకేం చెప్పేది..
సత్యనారాయణ వ్రతాలు వదలకుండా చేసుకో..


ఒక టెంకాయ ..
గ్లాసులో నీళ్ళు..
రెండు దీపాలు..
అంతే..
ఏమీలేకపోతే..నీళ్ళైనా నైవేద్యం పెట్టు ..అమ్మ

మనసంతా బాధగా వుంది..
కళ్ళు వర్షిస్తున్నాయి..
విగ్రహం పైఅరచేతిని వుంచి ..
స్వామీ..సర్వ జగన్నాథా..
పూజ ముగిసే వరకు ప్రీతిభావనతో వుండవయ్యా..
ప్రాణప్రతిష్ఠ..
.......
......
 హాస్పిటల్లో..
అందరూ మగత కౌగిట్లో జోగుతున్నవేళ..
ఒక గురువు..
 తన ఆఖరి ప్రయాణానికి సామాను సర్దుకుంటున్నాడు..
లోతైనకళ్ళు..
వణుకుతున్న గొంతుక..
కృష్ణ తత్వాన్ని ప్రవహింపజేస్తోంది  ..
వినిపించని వేణువు శ్రద్ధగా వింటున్న 
ఆ శిష్యుల గుండెల్లో మోగుతోంది...
బ్రతికిఉన్నంతకాలం ..
ఒక దివ్య తేజస్సు ఆ శరీరంలో వుంది కాబట్టి
ఆ అవయవాలు ఇప్పటికీ 
ఆ తేజస్సును వ్యక్తం చేస్తున్నాయ్..
శరీరం భగవంతుడు కాదు..
కృష్ణుడనగానే నెమలి పింఛం వేణువు..
ఇవి కాదు,,
కృష్ణుడు ఆత్మ స్వరూపుడు..
కృష్ణుడంటే ఆత్మ స్పృహ 
ఆత్మ భక్తి..


హఠాత్తుగా ఆయన శ్రీనివాసా..
అంటూ గుండె పట్టుకుని వొరిగి పోయాడు..
శిష్యులు
 అయ్యా..
స్వామీ..
గొల్లుమన్నారు..

అక్కడ నిర్యాణం .. 
ఇక్కడ ప్రాణ ప్రతిష్ట .. 
దేవునిలో లీన మవడమంటే ఇదేనా.. ??

సిద్ధులో..సాధ్యులో..చెప్పరయ్య..

ఎవ్వరు మీరయ్య..యీ భవ్య రూపముల్ ,
గన్నుల కద్భుత క్రమమొనర్చె..,
దివిజులో ..భువిజులో ..దేవతా ప్రవరులో ..,
సిద్ధులో.. సాధ్యులో.. చెప్పరయ
(అజామీళోపొఖ్యానము)


మాఅమ్మ పుట్టపర్తి కనకవల్లి ఎన్నో కృతులు రచించారు..
అంతేకాదు అద్భుతమైన సంగీతపరిజ్ఞానం కలిగివుండడంతో
వానికిరాగాలుకూర్చడం..తానేపాడటం..
మాఅక్కచెల్లెళ్ళం..
మాఇంటికి వచ్చే శిష్యులు..

ఇరుగు పొరుగు వాళ్ళు..
అందరూ సంతోషంగా నేర్చుకొనేవారు..
మాఇంట్లో మాఅమ్మ రామాయణ పారాయణం చేసేది..
శనివారం పట్టాభిషేకం..
అందరూ అమ్మ పారాయణంఅయిందా..అయిందా అని మూడు నాలుగు తిరిగేవాళ్ళు పొద్దున్నుంచీ..
మద్యాహ్నం పన్నెండు పన్నెండున్నర అప్పుడు పట్టాభిషేకం మొదలవుతుంది.. కన్నుల పండుగగా..మూడువరకూ..
ఆరామయ్యపట్టాభిషేకం నిజంగా ఇలానే అయోధ్యలో జరిగిందా అన్నంత ఆనందంగా
మాఇంట్లో జరిగేది
అందరూ అమ్మ పాటలు..అయ్య పాటలు..
ఇంకా త్యాగయ్య అన్నమయ్య ..పాటలూ పాడి పాడి అందరూ ఆనందించేవారు..
మాఅమ్మ చేతి పులిహోర ప్రసాదం అందరికీ పంచిపెట్టే వాళ్ళం..
అప్పుడు మాకు ప్రతిశనివారం రామనవమే..

బోధతే.. నచ యాచతే..

ఏమి రామకథ శబరి .. శబరీ..

శిరోమదీయం పురశ్చన తిరశ్చన..

వ్యాసతు స తు గౌతమతు.. వ్యాళేంద్రతు.. యోనవేత్తి సాహిత్యం

సంప్రతి తంప్రతి కంప్రతి శిరోమదీయం పురశ్చన తిరశ్చన..

సాహిత్యం కానిదాన్ని 
అది వ్యాసు డై నా మరొకరైనా నేను 
చూడనన్నాడు ఒక కవి. 

బాలీ ఉమర్ కో సలాం ..

ఎద హత్తికొను

లక్ష్మణమూర్తి గారి ప్రసంగం

లక్ష్మణమూర్తి గారి ప్రసంగం ఇది
ఇది కూడా ప్రాచ్య లిఖిత గ్రంధాలయం వారు
పుట్టపర్తి అష్టాక్షరి కృతులు ముద్రించినప్పుడు జరిగిన సభలోని
ప్రసంగాలలో ఒకటి
నా కెమెరా క్వాలిటీ భయంకరంగా వుంది
వీడియో చూడడం మానేసి ఆడియో వినడం మంచిదనిపిస్తుంది
ఆ సందర్భాన్ని పట్టుకోవాలనే తపన అంతే

గంగిశెట్టి లక్ష్మీనారాయణ గారి ప్రసంగం

గంగిశెట్టి లక్ష్మీనారాయణ గారి ప్రసంగం ఇది.
 వీరు మన రాయలసీమవాడే. 
పుట్టపర్తి అభిమాని
ఈకార్యక్రమం త్యాగరాయ గానసభ ప్రాగణంలో జరిగింది
గతంలో నాగపద్మిని అక్కయ్య ఈ కార్యక్రమం నిర్వహించింది.

వీడియోక్వాలిటీ అంత బాగలేదు నా  ఫోన్ లో దయచేసి భరించవలసింది

బధిరన విలాపం

చెవుడు..
ఎవరు చెప్పిన మాటా వినపడద..
పదే పదే అడిగితే విసుక్కుంటారు..
ఎదురుగానే యేమేమో మాట్లాడుకుంటారు..
అప్పుడప్పుడూ పెద్దగా నవ్వుకుంటారు..
అవేమిటో తెలుసుకోవాలని ఆసక్తి..
చెప్పకపోతే.. విసుగు ..కోపం..
ఒకవేళ చెప్పినా ఒకేమాటని తనకి అర్థ అయ్యేవరకూ 
పదిసార్లు చెప్పడంవలన ఉత్పన్నమయ్యే హాస్యం వలన 
నవ్వుకుటున్న వాళ్ళని చూసి తనకూ నవ్వు
తనగురించే మాట్లాడుకుంటున్నారేమో అని అనుమానం..

..ఇది సామాన్యుడైన చెవిటివాని గోల
అదే యే మేధావో చెవిటివాడైతే..
వాళ్ళ చెవిటితనంపట్ల వాళ్ళ భావాలు ఎలా వుంటాయో కదా..
 
పుట్టపర్తి మాటల్లో అయితే..
''మళయాళ కవి వల్లత్తోల్ అంటే నాకు చాలా ప్రీతి
ఆ వల్లత్తోళ్ 'బధిరన విలాపం' అనే ఒక ఖండిక రాసినాడు
బహుశా 'నాకు చెవుడు ఉన్నదానివల్ల 
ఆ అభిమానం యేర్పడిందేమో..' అనిపిస్తుంది
 
అతడూ చెవిటివాడు పాపం
'చెవిటివాడి గోడు 'అని ..
చాలా గొప్ప కవిత్వం..
రాసినాడు పాపం
 
అట్లనే గాంధీజీ పైన ఒక కాంపొసిషన్ కూడా రాసినాడు వల్లత్తోళ్
ఇతర యే భాషలోనూ గాంధీజీని గురించి 
అంత గొప్పగా రాసి వుండరేమో ననిపిస్తుంది నాకు..''


కానీ మా అయ్యకు చెవిలో చీము కారటం వలన వచ్చింది..
దానికి మా అమ్మా..
మా అమ్మ గురించి యెంత చెప్పినా తక్కువే..
 
మా తట్టు చీపురులు వేరే విధంగా వుంటాయి..
వానిని మా రాయల సీమలో 'పరక' అంటాం

ఆ  పరక పుల్లలు చాలా నున్నగా వుంటాయి 
చివర్లో ముళ్లతో కూడిన కుచ్చు  వుంటుంది
 
బయట విదిలిస్తే ముళ్ళు రాలిపోతాయి
ఆ నున్నటిపరక పుల్లలను ఓ సైజులో విరిచి 
వాటికి పత్తి  చుట్టి 
దాదాపు వంద పుల్లలు అయ్యకు అందుబాటులో పెట్టేది
చెవిలో తీసుకోవాల్సినప్పుడల్లా అయ్య వాటిని ఉపయోగించేవారు..

కాస్త వయసైనాక..
అందరూ కూచుని మాట్లాడుకుంటున్నప్పుడు
మనం ఒకటి చెబితే అయ్యకు ఒకటి వినపడేది..
ఆ మాటలకు అమ్మ యెంత అందంగా గల గలా నవ్వేదో..
అమ్మ నవ్వును అయ్య సంతోషంగా చూసేవారో
 
అయ్య నోటివెంట ఒకమాట వచ్చిన క్షణమే 
అమ్మ దానిని ఆచరణలో పెట్టేది..
యీనాడు.. 
చిన్న చిన్న మాటలకు విడిపోతున్నారు..
ఆత్మ గౌరవమంటున్నారు..
స్వయం ఉపాధి అంటున్నారు. 
కొంచం రాజీ కొంచం అర్థం చేసుకొనే మనసూ 
తల్లిదండ్రులు పిల్లలకు నేర్పాలి..
మన ఇంట్లో మన అన్నో తమ్ముడో దురుసుగా ప్రవర్తిస్తే 
దుర్వ్యసనాలకు లోనైతే వదిలేస్తామా.
కాస్త మారేవరకూ ఓపిక పట్టమా..

ఆ మట్టి లో కలిసి పోవాలి

సీతా ప తే ..

మధురై మణి అయ్యర్ ఇంగ్లీష్ నోట్

మధురై మణి అయ్యర్ ఇంగ్లీష్ నోట్ అందులోదే.. 

మా జానకి ..

మా అక్కయ్య రేడియోలో ఉద్యోగంలో  చేరిన తరువాత అయ్య కిష్టమైనవన్నీ కేసెట్ లో రికార్డ్ చేసుకువచ్చింది అది అయ్యకు ఒక అద్భుతమైన కానుక
 సమయం దొరికినప్పుడల్లా ఎంతో ప్రీతిగా వినేవారు. 

హితవు మాటలెంతో బాగ బల్కితివి.. అన్నచోట ఎంత ఎంజాయ్ చేసేవారో..

చిత్రం రం రమ్యతే తం త్రిభువన వపుషం విష్ణుమీశం నమామి..

ఆమె పేరు విమల
తండ్రిది చిన్న ఉద్యోగం
సినిమా రీళ్ళు పట్టుకుని ఈ థీయేటర్ కు ఆ థియేటర్ కూ తిరిగే పని
నలభైవేల అప్పు
అప్పు ఇచ్చిన మార్వాడీ కనపడినప్పుడలా విమలను దారిలో పట్టుకుని
నానా దుర్భాషలాడి అసభ్యంగా మాట్లాడేవాడు
తండ్రి అప్పు తీర్చలేడు
ఆమె యేం చేస్తుంది
లైబ్రరీలో పొద్దున సాయంత్రం కూచుంటే
ఒక ముఫై రూపాయలిస్తారు
దాంతో ఇల్లే గడుపుతుందా అవసరాలే తీరుస్తుందా..
తమ్ముణ్ణే చదివిస్తుందా..

అది పుట్టపర్తి ఇల్లు
అంటే మా ఇల్లు
అయిదుగురు ఆడపిల్లలు. ఒక కొడుకు చిన్న స్కూల్ టీచరు ఉద్యోగం
దరిద్ర దేవత తిష్ట వేసుకు కూర్చున్న కాలం
మా మూడవ అక్కయ్య తులజ కు నలుగురు స్నేహితులు
వారిలో ఈ విమల కూడ ఒకతె
ఆ నలుగురు మా అయ్యతో చక్కగా మాట్లాడేవాళ్ళు
మీ ఇంట్లో యేం వంట చేసినారే..
వంటి ప్రశ్నలతో వారితో హాస్యమాడే వారు  మా అయ్య
నే ను అప్పటికి సంవత్సరం దాన్నేమో
వాళ్ళు కూడా అయ్యా అయ్యా అంటూ బిడ్డల్లాగే సన్నిహితంగా మసలేవాళ్ళు

ఒకరోజు ఈఅప్పు ప్రస్తావన వచ్చింది
విమల మా తులజక్కయ్య దగ్గరికి వచ్చి కళ్ళనీళ్ళు పెట్టుకుంటుంది
అప్పుడే వచ్చారు అయ్య
యేమైందే అని అడిగారు
తులజక్కయ్య విషయం చెప్పేసింది
ఎంత అప్పు అని అడిగారు
నలభైవేలు

కొంచెంసేపు ఆలోచించారు
సరే నేనిస్తాను తీసుకుపోయి వాణికి ఇచ్చేయ్
అన్నారు
నివ్వెరపోవటం నలుగురు స్నేహితుల వంతైంది
అన్నట్టుగానే నలభైవేలు ఇవ్వటమూ 
ఆమె ఆ అప్పు తీర్చడమూ జరిగిపోయాయి
ఆమె జీవితంలో ఒక పెద్ద భారం దిగిపోయింది

1950 లలో నలభైవేలంటే తక్కువేంకాదు
అంత డబ్బును ఒక్క నిమిషం ఆలోచించి ఇచ్చివేసిన 
పుట్టపర్తి వ్యక్తిత్వం ఎంత గొప్పదో ఆలోచించండి

మనలాంటి వాళ్ళైతే అసలు ఇవ్వడానికే ఆలోచిస్తారు
ఇచ్చినా ఇంక డప్పు కొట్టుకోవటం మొదలుపెడతారు
ఇచ్చి ఆ విషయాన్ని మరు నిమిషమే మర్చిపోయేవాళ్ళు
ఎంత గొప్పవాళ్ళు.. 

అటివంటివాళ్ళలో కూడా దోషాలు వెదికే కుమతులను 
వాళ్ళ కర్మానికి వదిలేయాలి..

ఈ విషయం మా తులజక్కయ్య ఇప్పుడే ఫోన్ లో మాటల మధ్య చెప్పింది
ఇంకా ఇటువంటి సంఘటనలు ఎన్ని దాగున్నాయో పుట్టపర్తిలో

అందుకే మా అయ్య అంత గొప్పవాడయ్యాడు
ఫ్రెండ్స్ నాకీ రోజు చాలా ఆనందంగా వుంది
నా గురువు చాలా చాలా ఉన్నతుడు
నన్ను ఉధ్ధరించగలవాడు..
అటువంటి గురువు దొరికిన నేను ఎంతో అదృష్టవంతురాలిని..
షం

ఏ తీరుగ మము దయజూసెదవొ . .

కానీ సంపాదించని వాడైనా కోట్లు గడించే వాడైనా
ఏవేవో లోపాలు పెళ్ళాలకు కనిపిస్తాయ్
చీరలు కొనిపెట్టలేదని పేదవాడిపెళ్ళాం ఏడిస్తే
కట్టిన చీర గురించీ తన అందం గురించీ కాంప్లిమెంట్ ఇవ్వలేదని ఈవిడేడుస్తుంటుంది
వాడికి పనిలేదు
వీడికి టైం లేదు..

అన్నీ అమర్చే పెళ్ళామైనా తప్పులకోసం భూతద్దం పట్టుకుంటాడు ఒక  మగడు
అసలు గొడవ పడని ఆలుమగలు వుండరేమో
మా ఇంట్లో గొడవలకు రాముడు కృష్ణుడు కారణం అవుతుంటారు
అమ్మకు రామాయణం
అయ్యకు భాగవతం
చూశారా ఆలుమగల మధ్య అవతారపురుషుల లీలలు
ఇంట్లో అన్నీ చూసుకుని అందరి అవసరాలు తీర్చి 
అయ్య రాతకోత లలో ఒక చేయి వేసి 
అమ్మ పారాయణం కూడా చేసుకుంటే
కోపం ముక్కుమీద నాట్యమాడే అయ్యకు 

అమ్మ పై మాట మాటకూ కోపం..
మా అయ్య కోపం  తాటాకు మంట అయితే .. 
అమ్మఎప్పుడూ శాంతంగా చిరునవ్వుతో వుండేది .. 

ఇలా ఒకసారి యేదో విషయానికి
అయ్య కోపంతో 
'వాడు కాదే రాముడు .. వీడు .. '
అని బిగ్గరగా అరుస్తూ.. విసురుగా బయటికి వెళ్ళి 

అప్పుడే వీధిలో బిక్షం అడుక్కుంటూ వచ్చి 
మా ఇంటి ముందు నిలబడిన ఒక బిచ్చగాడిని భుజం పట్టి తీసుకొచ్చి .. 
ఇంట్లో పీటవేసి వెండి తట్టలో దేవుని కోసంచేసిన ప్రసాదాన్ని
ఇతర పదార్థాలను వేసి తినిపించి శాంతించారు..

భక్తి బిక్ష..

కృ ష్ణ గీతం

అది తుంగభద్రా తీరం..
అందులోకి స్నానమాచరించడానికి వెళుతున్నారు పరమాచార్య.
పుట్టపర్తి తో విశేషమైన అనుబంధం..
ఆత్మీయతా 
అక్కడికి వల వల ఏడుస్తూ వచ్చిందో స్త్రీ..
స్వామి వారి పాదాలపై పడింది
స్వమీ చెప్పండి
మా అమ్మ కెందుకిలా జరిగింది..
తుంగభద్రానదిలో నీళ్ళు మౌనంగా కదిలాయి

స్వామి యేమీ మాట్లాడలేదు
మౌనంగా తలేత్తి ఆకాశంవంక చూస్తూ
రెండుచేతులూ చూపించారు
మా అమ్మ కాన్సర్ తో భయంకరంగా చనిపోయిన రోజులు అవి..

శరణాగతి అంటే ఏమిటి
గజేంద్ర మోక్షం లో ఏనుగు మొసలితో పోరాడి పోరాడీలసిపోయి
ఎలా రక్షింపబడటం అనుకుని
ఇటువంటివాడైతే తనని కాపాడగలడని

ఎవ్వనిచే జనించు.. జగమెవ్వనిలోపలనుండు లీనమై
ఎవ్వనియందు డిందు .. పరమేశ్వరుడెవ్వడనాది మధ్య లయుడెవ్వడు
సర్వముదానెయైన వాడెవ్వడువాని నాత్మభవు.. నీశ్వరు
నే శరణంబు వేడెదన్..
అని ప్రార్థించింది

ఈ మొసలి నుంచీ కాపాడు అనికదా దాని ఆంతర్యం..
కానీ దానికి లభించింది కరినుంచీ ప్రాణాలుకాదు
ఏశ్వరునిలో లీనమైపోవడం

ఆయనలో ఐక్యమైతే ఎలా వుంటుందో దానికి తెలియదు
బతికితే హాయిగా మళ్ళీ తన భార్యలతో అడవిలో
శృంగారంలో మునిగిపోతుంది

పరమాత్మ దానినెందుకు అనుగ్రహించాడు
పూజలలో మునిగిపోయి కొందరు
లౌకికంలో మునిగిపోయి ఇంకొందరు
ఉన్నారే
వారినెవరినైనా ఉధ్ధరించవచ్చుకదా..
ఇలా పిలిస్తే నాకు వినబడుతుంది అని
ఇది ఒక మోడల్ క్వశ్చన్ పేపర్ కావచ్చు

చావు తప్పదని తెలిసిన క్షణంలో
అంతవరకు తాను బ్రదికిన బ్రతుకు గుర్తుకురాదు..
సంభవిమ్హబోయే మరణం ఎంత భయానకమో
తరువాత తానేగతినొందుతాడో..
అన్నదే మనసు నావహిస్తుంది

వెనకనిలబడిన బంధు సమూహంకోసం
తన విలువైన సమయం ఎలా వృధా చేసుకొన్నదీతలచి విచారించటం తప్ప చేయగలిగిందేమీ లేదు..'

వామనుడై వచ్చి
పరమ భక్తుడైన బలి నుంచీ కేవలం మూడడుగులు కోరి
ఎవ్వని గరుణింప నిశ్చయించితిని.. వాని యఖిల విత్తంబునే నపహరింతు
వింధ్యావళికిచ్చిన సమాధానం
అంటే రాటు దేలుస్తాడన్నమాట..

పాల సముద్రంలో పడుకుంటాడంటారు..
తానున్నచోట పాలు వెల్లువలా వుండేటట్లు కృప చేస్తాడంటారు..
ఆవుల పాలు పితికాడంటారు.. 
పాలు వెన్న నెయ్యి దొంగిలించాడంటారు
ఇన్ని పాలు నైవేద్యం పెడితే పొంగిపోతాడంటారు
అటువంటివాడి కథ చెప్పినవాడికీ
విన్నవాడికీపాదములు పట్టినవాడికీ
తల్లిపాలు దొరక్కుండా చేశాడని లీలాశుకుడన్నాడు
అంటే
ఇక తల్లిపాలు తాగ నవసరంలేదనీ

ఇక పుట్టడనీ అర్థం.. 

రామాయణంపై హామ్లెట్ ప్రభావం..??

అళువ