హృదయరాగం

వాసన

పై ఫోటో గూగుల్లోనిది
ఎంత బాగున్నాడుకదా సన్యాసి..
ఓ చేత్తో సెల్లూ
మరో చేత్తో సిగరెట్టూ..
మాడ్రన్ సన్యాసికి ప్రతీకలా వున్నాడు
నవ్వుతూ ఎవరితోనో ఫోన్లో మాట్లాడుతున్నాడు..పాపం
యే పుష్కరాలకో వచ్చుంటాడు..
చటుక్కున ఫోటో తీసారు యేవరో

అవును మరి ఎంత సన్యాసి అయినా సెల్ లేకపోతే.. విషయం కన్వే చేయటమెలాగూ
తమ సన్యాసులతో నైనా మాట్లాడాలి కదా..

 
సన్యాసం..
అంటే కోర్కెలను త్యజించడమేనా..?
భగవంతునికి దగ్గరగా వెళ్ళే ప్రయత్నం కూడా..
 
 సన్యాసి ధర్మ అర్థ కామ మోక్షాలలో 
చివరి దాన్ని పట్టు కోవాలి..
కామ క్రోధ లోభ మోహ మద మాత్సర్యాలను త్యజించాలి
ఇవి కేవలం బట్టలను మార్చినంత మాత్రాన జరుగుతాయా..?
అర్థము కనబడిన వెంటనే.. 
సన్యాసికీ సంసారికీ 
ఒకే విధంగా కళ్ళు మెరుస్తాయే..
మరి కామాన్ని జయించడం ఎంత సన్యాసికైనా సాధ్యమా..?
 
మండోదరి రావణుడు చనిపోగానే 
యేడుస్తూ వచ్చిందట..
రావణా రాముడు నిన్ను చంపాడని అందరూ అంటున్నారు..
కానీ నాకు తెలుసు నిన్ను చంపింది రాముడు కాదు
నీ కామమే నిన్ను చంపింది..
తపస్సు .. తపస్సు..  అని వేల సంవత్సరాలు 
శరీరాన్ని ఆకలి దప్పులకు ఇతర భోగాలకు 
దూరం చేసి .. కాల్చి కాల్చి..  యేం సాధించావ్?
నీ వరాలు నిన్ను కాపాడాయా..?

పైగా..

ఇన్నాళ్ళూ లొంగి వున్న కోర్కెలు..
బుట్టలో అణచిపెట్టబ డ్డ బుసకొట్టే పాముల్లా 
నీపై ప్రతీకారం తీర్చుకున్నాయి ..
అని వాపోయిందట..

యీ విషయంలో పోతన్న గారి అభిప్రాయాలెలా వున్నాయి
పుట్టపర్తి గారి భాగవతోపన్యాసాలు మనకు చెబుతాయి
ఇందులో ఒక పిట్టకథ కూడా
మీరా బాయికి కృష్ణభక్తి ..మనకు తెలుసు..
ఆమె ఒక సన్యాసిని చూడబోయింది
ఆయన స్త్రీలను చూడరట..
అనుమతి లభించలేదు..
కారణం ఆ స్వామి ఆడవాళ్ళంటే పారిపోతున్నాడు..
మీరకు నవ్వొచ్చింది..
అడ్డువచ్చిన శిష్యుణితో ఆమె అందీ..
యీ జగత్తులో కృష్ణుడొక్కడే మగవాడనుకున్నాను..
ఇవ్వాళ మీ గురువొకడు తయారయ్యాడా..?
అంతే..
మీర నవ్వుకుంటూ వెళ్ళిపోయింది..


మానవునకు సుఖదుఃఖములు  
తాను తాను ముందు జేసికొన్న పుణ్య పాపముల ననుసరించి వచ్చును
ధనము ఆలు బిడ్డలు 
వీరందరు తన కర్మ పండించికొన్న పంటయే

వీరిలో నెవ్వరినిగాని వదలిపోవుటకు 
తన కధికారములేదు
అవసరమును లేదు
ఇట్టిది పోతన్న విశ్వాసము

అందుచే..
ఇల్లుగుల్లజేసి యే చెట్టు గుట్టలనో జేరి దేబిరించుట వల్లమాలిన పని అనియు నతడు భావించెను
ఆతని దృష్టిలో సంసారము 
భగవద్భక్తికి భంజకము గాదు రంజకము గూడ

కామ క్రోధాదులను సంపూర్ణముగ విసర్జించుట యే ధ్యేయమైనను 
హఠాత్తుగ వానిపై దండెత్తక 
కొంత నియమ బధ్ధముగ జేసికొనుటయు
ఆ ప్రక్రియలో కొంత వాని బలము సడలించి నిమ్మళముగ నిగ్రహించుటయు 
వివేకమైన ప్రయత్నముగదా.. 

పైగా సన్యాస మొక్కటే 
భగవత్ప్రాప్తికి మూలమనుటయు 
పోతన్నకంత సమ్మతముగాదు
 
సర్వమును భగవత్స్వరూపమే యైనప్పుడు సంసారము మాత్రమేల కాక పోవలసివచ్చినది..?
 
అపుడు 
లేని సన్యాసమును దలపోసి యంగలార్చుటకంటె ఉన్న సంసారమున నూరట జెందరాదు..?
 
కర్మ తంత్రముల నొనర్చుచు 
కమలాక్షు గొల్చుట అసాధ్యమా?
సాధ్యాసాధ్యములు మనో భావములే.
ఇవి యాతని తలంపులు..
 
ప్రాప్తమైన సంసార సుఖములను గూడ నాతడు 
తృప్తిగ ననుభవించివుండునని నాయూహ
కొందరు వేదాంతుల మనుకొనువారు
 స్త్రీని జూచినంతనే భయము నటింతురు
 
మీరాకాలమున నిట్టి సన్నివేశమే యొకటి జరిగినది
ఎవరో యొక స్వామి 
రూప గోస్వామి యనుకొందును
బృందావనము నందుండెను
మీరాబాయి వారిని దరిసింపనేగినది
 
వారికొక నియమముండెను
స్త్రీలముఖమును వారు జూడరట
వారి శిష్యుడు దారిలో ఆమె నడ్డగించి 
మఠములోనికి బోనివ్వక పోయెను
 
ఆమె శిష్యుని మాటలు విని 
నేనింతవరకు నఖండ బ్రహ్మండములలో 
కృష్ణ పరమాత్ముడొక్కడే మగవాడనుకొంటిని 
నేటికి మీ గురువొకడు దయారయ్యెనా 
యని నవ్వుచు వెనుదిరిగినది
 
ఈ మాటలు రూపగోస్వామికి దెలిసి పశ్చాత్తాపపడెనట
స్త్రీలపై నిట్టి యేహ్య భావము 
సుఖములపై శుష్కమైన ద్వేషము పోతనామాత్యులకు లేదు కనుకనే..
 
"అనఘ విరక్తులకైనన్
దనయంత లభించు సౌఖ్యతతి వర్జింపన్ జనదట "
తృ. స్క. 783
అని తన మనస్సును సమాధాన పెట్టుకున్నాడు..

నగవరి

నిబిడానుభూతి

అర్హుడనె ..??

మంత్రాలకు చింతకాయలు

           

                       

మంచి సంగీతం, విషాద గీతాలు కాదండోయ్... 
హుషారెత్తించే సంగీతం వింటుంటే మీలోని మానసిక ఒత్తిడి చాలా రకు దూరమవుతుంది.
సంగీతం వింటే 
శరీరంలో సంతోషానికి సంబంధించిన రసాయనం సిరోటిన్ శాతం పెరుగుతుందంటున్నారు వైద్యులు.

సంగీతంతో వైద్యం ..
అంటే అందరూ
ఆ.. యేవో అలానే చెబుతూ వుంటారు..

అవన్నీ జరిగేవా పెట్టేవా..
అనుకుంటూ వుంటారు..
కానీ నా కొద్దిపాటి పరిశీలనలో నే 
ఎన్నో విషయాలు తెలిసాయి
అవేమంటే
రాధిక అనే ఆరేళ్ళ అమ్మాయి
ఏదో ప్రమాదంలో కోమాలోకి వెళ్ళిపోయింది
ఆమె తిరిగి బయటికి వస్తుందని డాక్టర్లు కూడా అనుకోలేదట..
వెంటిలేటర్స్ పెట్టారు
నరాల రీహాబిలిటేషన్ చేద్దామని డాక్టర్లకు ఆలోచన వచ్చింది
అంతర్జాలంలో వెదకితే కొన్ని ఆసక్తి కరమైన వ్యాసాలు వాళ్ళకి దొరికాయి
సరే.. ప్రయత్నిద్దాం అనుకొని
ఆపిల్లకి ఇష్టమైన ఒక మళయాళీ కృష్ణ భక్తి గీతాన్ని హెడ్ఫోన్ ద్వారా ఆ పిల్లకి వినిపించారు
ఆశ్చర్యం
ఆపిల్ల కోమాలోంచీ బయటికి వచ్చి
అందరినీ చూసి గుర్తు పట్టి.ంది
తరువాత గ్రామఫ్9ఎన్ ద్వార వినిపించారు
మెల్లిగా నడవడం మాట్లాడటం కూడా చేసింది..
ఇదీ మధ్య సంఘటన

మ్యూజిక్‌ థెరపీ అనేది 
క్లినికల్‌ థెరపీ, బయో మ్యూజికాలజీ, మ్యూజికల్‌ అకౌస్టిక్స్‌, మ్యూజిక్‌ థీరీ, సైకో అకౌస్టిక్స్‌, కంపే రిటివ్‌ మ్యూజికాలజీల మధ్య సంబంధా లను అధ్యయనంచేసే శాస్ర్తీయ పరిశోధన. 
ఈ చికి త్సా క్రమంలో సుశిక్షితుడైన మ్యూజిక్‌ థెర పిస్టు 
భౌతిక, భావాత్మక, మానసిక, సామా జిక, సౌందర్య, ఆధ్యాత్మిక కోణాల్లో 
సంగీతాన్ని ఉపయోగించి వ్యక్తులు ఆరోగ్యాన్ని పొంద డానికి సహాయపడతాడు. 


చూశారా ..
ప్రపంచమంతా ఇది నిజమని చెప్పిన తరువాత 
మనకు నమ్మబుధ్ధి వేస్తుంది..
అలానే మంత్రాలకు యే మహిమలూ సిధ్ధులూ లేవని
టీవీల్లో గొంతు చించుకొనే మనం
యే అర్జెంటైనావాడో మంత్రాలన్నీ నిజాలే అంటే మనమూ అవునవునని  తలాడిస్తాం..

మన త్యాగరాజులూ దీక్షితులూ శ్యామశాస్త్రులూ యేనాడో
రాగాలతో రోగాలను నివారించి
గ్రహస్థితులకు శాంతి చేశారు..
పుట్టపర్తి వారి వాగ్గేయకారులూ పదకృతి సాహిత్యం లోని యీ విషయం
మనకు అదే చెబుతుంది..
 

త్యాగరాజు వలెనే దీక్షితులును మహా తపస్వులు
అలానే శ్యామ శాస్త్రులును
వారి సంగీత సాహిత్యములు 
వినయ గౌరవములతో చూడదగినవి
మువ్వురును ఋషీణాం పునరాద్యానాం వాచమర్ధోనుధావతి కోటికెక్కినవారు

దీక్షితులకు మృదంగ విద్వాంసుడు 
తంబియప్పన్ అను శిష్యుడుండెనట..
అతనికి కడుపునొప్పి రోగము వచ్చెను
మందుమాకులతో అది మాయలేదు
ఎవరో ఒక పురోహితునడుగగా జాతకము చూచి
నీకు గురు శని గ్రహములు చాలలేదు
వానికి వేదోక్త రీతి శాంతి చేయవలెను
వేదాధికారములులేని నీకది సాధ్యము కాదు కదా..
వేరు విధమైన శాంతి క్రియలు నేనెరుగను యేమి చేయవచ్చును అన్నాడట..

తంబియప్పన్ దుఃఖముతో నీ గాధ 
తన గురువుతో చెప్పుకొనెను
వారు 'బృహస్పతే ' యను కృతిని
'దివాకర తనూజం' అను శని స్తుతియు రచించి

యీ రెంటిని ఒక్క వారము భక్తి తో పాడుకో నీకు క్షేమమగును అని ఉపదేశించిరి
అతడట్లే చేసెను ఉదరశూల తగ్గినది

ఇట్టి సన్నివేశములలో 
ననాధ ననాధ భక్తులకెందరికో ఉపయోగకరమగు
నవగ్రహ స్తుతులు రచించుటకై 
తంబియప్ప దీక్షితులను ప్రార్థించెను
వా రట్లే యొనర్చిరి

తంబియప్ప వానిని భక్తితో పునశ్చరణ చేసికొనుచుండెను..
నవగ్రహవేధలలో నతడు భస్మము 
నా పాటలతో మంత్రించి ఇచ్చెడువాడట..

ఒకసారి యనావృష్టి యేర్పడినది
జనులు నీటికై వేకారు చుండిరి
దీక్షితులకు దయ కల్గినది
వారం ఋతవర్షిణి రాగములో నమ్మవారిని ప్రార్థించుచు 'వర్షయ.. వర్షయ.. '' అన్నారు
అంతే.. 
వాన వానకాళ్ళు గట్టికొన్నది

మరల వాన నిల్చుటకు వారే 
''స్తంభయ..  స్తంభయ.. '' 
అనవలసివచ్చినది

దీక్షితులు ప్రధానముగ శ్రీచక్రోపాసకులు
వారి దైవము సోమాస్కందమూర్తి
అనగా పార్వతి షణ్ముఖుడు
వీరితో చేరుకొన్న పరమ శివుడు..

కాని వీరి ఉపాసన తాంత్రికము
వామాచారమును చేరినట్లున్నది
కేవల సాంకేతికమగుటచే 
వారి మూర్తి భూలోక పరిధులకు దిగిరాలేదు

త్యాగయ్యకీ గొడవలు దెలియవు
వారిది హార్దికమైన భక్తి మార్గము మరుగులేని నామజపము

క్షుద్ర పుష్పము

పెఱ తెఱువు లందు మది నీడ్వక ..