మా అమ్మ విశ్వనాధకూ అమ్మేనట..

అప్పుడప్పుడూ విశ్వనాధ సత్యనారాయణగారు మా ఇంటికి వచ్చేవారట..
కల్ప వృక్షం వ్రాసే టైం లో రామాయణ చర్చలూ జరిగేవట..
కానీ మా అయ్య మూడీ..
ఎవరొచ్చినా కొంచెం సేపు మాట్లాడి..
మీ అమ్మ వంట ఇంట్లో వుంది పో అని చెప్తారు..
అలానే విశ్వనాధకూ జరిగేదట..
విశ్వనాధవారితో నూ కొంచెంసేపు మాట్లాడి..
అమ్మ దగ్గరికి పంపేవారట..
మా అమ్మ అందరికీ అమ్మే..
వచ్చినవాళ్ళు పెద్దైనా .. చిన్నైనా..
వాళ్ళను చల్లగా మా అమ్మకు తగిలించి.. 
తన వ్యాసంగం చూసుకుంటారు..
ఆయన వంట ఇంటికి వెళ్ళి పీట వాల్చుకుని
అమ్మతోనూ చర్చలు సాగించేవారట.
తొమ్మిది గజాల చీర మడిచార పోసి కట్టి
ఆ కొంగును భుజం చుట్టూ కప్పుకున్న ఒక సగటు ఇల్లాలు..
విశ్వనాధతో రామాయణ హృదయాన్ని .. 
వాల్మీకి వర్ణనా గరిమనూ...
రామచంద్రుని  ధర్మాచర ణనూ .. మాట్లాడేది..
మా ఇంటికి వచ్చే శిష్యులు, భక్తులు, సాహిత్యకారులు .. అందరికీ..మా అమ్మ 
మీరు వేయి పడగలు చదివారా.. 
చదవండి అని చెప్పేదట..
ఈ నడుమ గూగుల్లో విశ్వనాధ ఫోటోలు..
చూస్తే అంతటి మహాకవి
ఎంత నిరాడంబరంగా ఉన్నారు.. అనిపిస్తుంది..
 

ప్రేమ లేని జపమ్ము.. ప్రేమ హీనము భక్తి వల్లకాటను మల్లెపూవు..

తర తరాల నిశీధి దాటే చిరు వేకువ జాడతడే,,

''అదరక బదులే చెప్పేటి తెగువకు తోడతడే..
తర తరాల నిశీధి దాటే
చిరు వేకువ జాడతడే,,''
యేమిటీ ..
ఈమె అన్నీ సినిమా టైటిల్స్ పెడుతూ ఉంది..
 అని అనుకుంటూండవచ్చు..
ఈ తరం..
హీరోలంటే మహేష్ బాబనీ..
బాలయ్య అనీ..ఊగిపోతూంటారు..
నిజమైన హీరోలు ఎందరో ఉన్నారు..
జీవితమంటే..
యెవరో ఒకదాన్ని చూసి ప్రేమించేసి
పార్కులవెంటా పబ్బుల వెంటా చెడ తిరిగి
ఆపై అందరినీ యెదిరించి పెళ్ళి తాడేసేసే యువతకు
జీవితంలో చేయాల్సినవి ఇవి కాదని
ఎందరో ..
యెన్నో చెప్పి మార్గ నిర్దేశనం చేయడానికి ఉన్నారనీ..
నిజమైన హీరోలు వాళ్ళేననీ..
చెప్పడానికే..

అన్నారిలా..

గురు స్మరణ

పుట్టపర్తి శతజయంతి వేడుకలలో నరాల అన్నను మళ్ళీ చాలా సంవత్సరాల తరువాత కలిశాను
దూరదర్శన్ లో.
ఎంత ఆనందమైందో..
చిన్నప్పుడు చూశేదాన్ని..
ప్రతి సభలో రాజన్న కవి నరాల రామారెడ్డి గురు స్తోత్రం చేసేవారు
ఇద్దరూ పుట్టపర్తిని గురువుగా నమ్మి ఈనాటికీ అదే గురు స్తోత్రాన్ని గావిస్తున్నారు
కానీ రాజన్న మన మధ్య లేడు..
దూరదర్శన్ లో అన్నా బాగున్నారా..
అంటే ప్రెమగా తలనిమిరాడు రామారెడ్డి
బయటకు చెప్పనంటే ఒక సంగతి చెబుతా అన్నారు
చెప్పనన్నా . చెప్పండి.. అని బ్రతిమలాడాను..
ముందు నీవు నీ కెమెరా ఆఫ్ చెయ్..
అన్నాడు
చేయక తప్పలేదు..
ఒకసారి పుట్టపర్తి వారు.. ఒరే.. నీ కవిత్వ కళనంతా ప్రయోగించి పద్యాలు రాసుకురారా.. అన్నారు..
గురువు అలా అనే సరికి కొండంత ఉత్సాహం వచ్చింది..
వెంటనే రెండు మూడు రోజులలో మాంచి పద్యాలు రాసుకుని
అయ్యముందు ఉద్విగ్నంగా వినిపించాను..
ప్రశంసిస్తే పొంగిపోదామని ఆశగా చూశాను

భలే బాగా రాసినావురా ..
నీలో గొప్ప అభివ్యక్తి వుందిరా..
ఆ పేపరీ అన్నారు..
నా ఎదుటనే ఆ పద్యాలను రాజన్నకు ఇచ్చేశారు..
నేను అవాక్కయ్యాను..
యేమి స్వామీ ఇది..
నన్ను రాయమని ..
మీరిట్ల చేయడం యేమన్నా బాగుందా.. అని చిన్నబుచ్చుకున్నాను.

అప్పుడు పుట్టపర్తి పోనీలేరా..
నీవిలాంటివి వంద రాస్తావు
వాడు సభల్లో పాడుతాడుగదా..
అన్నారు..
అంటూ ఈ విషయం రాయొద్దు అనూరాధా..
అన్నారు
రాయను రాయను..అన్నా

అన్నా ఒట్టు తీసి గట్టు మీద పెట్టేస్తున్నా..
అనూరా ధ 

నీ వదనంబునన్ మనసు నిల్పిన..

గుండె గులాబీలైన పుట్టపర్తి లీవ్స్ ఇన్ ద విండ్

 
గుండె గులాబీలైన పుట్టపర్తి లీవ్స్ ఇన్ ద విండ్..
పుట్టపర్తి లీవ్స్ ఇన్ ద విండ్ ను 
-"గుండె గులాబీల" పేరుతో 
 శ్రీ అన్నవరం ఆదిశేషయ్య గారు అప్పట్లో అనువదించారు..
పుట్టపర్తి దీన్ని ఆశీర్వదించారు..
ఆ అనువాదం పై వచ్చిన విశ్లేషణ ఇది..
దీని వెనుక ఎప్పట్లానే శ్రీ శ్రీశైలం గారి తోడ్పాటు.. ఉంది..
అవధరించండి..
పుట్టపర్తి అనూరాధ.

విజయం అనేది ప్రయాణమే తప్ప గమ్యం కాదు.