28 నవం, 2014
Literary chair for Puttaparthi Narayanacharyulu - The Hindu
27 నవం, 2014
ఓహో కిన్నెరసానీ..
నేను చదువుకునే రోజుల్లో
రేడియోలో లలిత గేయాలు వచ్చేవి
అందులో ప్రతి నాలుగు రోజులకూ
ఎవరో ఒకరు.
ఓహో కిన్నెరసానీ.. అనేవాళ్ళు..
కిన్నెరసాని గోదావరి యొక్క ఉపనది..
వరంగల్ లోని మేడారం తాన్వాయి..
కొండ సానువుల్లో పుట్టి..
ఆగ్నేయంగా ప్రవహించి
ఖమ్మం జిల్లాలో భద్రాచలానికి కాస్త దిగువన
బూర్గంపాడు..వేలేరు గ్రామాల మధ్యన
గోదావరిలో కలుస్తుంది..
విశ్వనాధ కిన్నెరసాని పాటలు వ్రాశారు
విశ్వనాధ తండ్రి శోభనాద్రి గారు కష్టదశలో కిన్నెరసాని
వాగుకు ఆవల వున్న గ్రామంలో కౌలుకు భూమిని
తీసుకుని వ్యవసాయం చేశారు..
అప్పుడు విశ్వనాధ చిన్నవాడు..
తండ్రివెంట వెళ్ళేవాడు
వస్తూ వెళుతూ .. వాగును దాటేటప్పుడూ
భద్రాచలం అడవులలో పారే వాగును చూచినప్పుడూ
ఆ పసివాని హృదయం
ఆ నదితో గలగలా మాట్లాడింది..
ఆ నది లో అతనికి ఒక ప్రేమిక సాక్షాత్కరించింది..
అది ఆ పసివాని చిన్ననాటి మనసు ముద్ర..
పెద్దయిన విశ్వనాధ
అత్యంత ప్రాణప్రదంగా ప్రేమించిన భార్య
ముఫ్ఫయారేళ్ళ వయసులో మరణించింది
విశ్వనాధ ఆమె వియొగం తట్టుకోలేక పోయారు..
గుండెల్లో అంతులేని దుఃఖం వరదలైపొంగింది..
అప్పుడే మళ్ళీ చిన్ననాటి కిన్నెరసాని
మళ్ళీ మదిలో సుడులు తిరిగింది..
అందులో కొండగా మారిన భర్త తాను
మరలి రాని లోకాలకు వెళ్ళిపోయిన భార్య
కరిగి కరిగి భర్తపై కోపంతో నీరైపోయిన కిన్నెరసాని..
విరహమో దాహమో విడలేని మోహమో అన్న
జేసుదాసు గొంతుకలా
విశ్వనాధ ప్రేమ కొండయై అదృశ్యమైన భార్య ఉనికిని..
సుడులతో అలలతో నురగలతో ప్రవాహపు మెలికలతో
తనను చుట్టి ప్రవహిస్తూన్న కిన్నెరసాని
లో కనుగొంటూ ఆవేదన చెందుతుంది .
అన్యోన్య దంపతుల మధ్య ఎడబాటును
అద్భుతంగా చిత్రించినవా కిన్నెరసాని పాటలు..
25 కావ్యాలూ
6 శతకాలూ
13 గేయ కావ్యాలూ
15 నాటకాలూ
58 నవలలూ
ఇలా ఎన్నో వ్రాసిన విశ్వనాధ
వేయి పడగలూ..
రామాయణ కల్ప వృక్షమూ వ్రాసి
ఒకే ఒక్కడుగా నిలచిన విశ్వనాధ ..
కిన్నెరసాని పాటలకు ఎన్నో ప్రశంసలు పొందారు..
విశ్వనాధకు అప్పుడు నలభై ఎనిమిది
పుట్టపర్తికి ఇరవై ఎనిమిది..
విఖ్యాత పండితునిగా ఉన్న విశ్వనాధపై
అప్పుడప్పుడే కిరణాలు తొడుగుతున్న పుట్టపర్తి వ్యాసం
వ్రాసారు..
అది విశ్వనాధను అబ్బురపరచింది..
అప్పటికే పుట్టపర్తి కీర్తిని వినివున్న విశ్వనాధ
స్వయంగా వచ్చి అభినందించారు..
రాళ్ళపల్లి అనంత కృష్ణ శర్మ మేనల్లునిగానూ వ్యాప్తిలో
నున్న పుట్టపర్తి
విశ్వనాధ రచనలనూ..వ్యక్తిత్వాన్ని
ఎలా వర్ణించారో మనకు తెలుసు
మరి కిన్నెర సాని గురించి వారేమన్నారో చూద్దాం..
భద్రాద్రి కొండ..
దాన్ని చుడుతున్న ప్రవాహమూ..
ఆమె తెనుగు సాని
అతను తెనుగు మగడు.
వారి తెనుగు కాపురమును చూచినాడట విశ్వనాధ..
గుట్ట కఠినము.. మగని హృదయంలా
ప్రవాహం లలితం స్త్రీ మనసులా..
ఇరువురిదీ ఒకటే దుఃఖం..
అతని హృదయం గంభీరం పగిలింది..
ఈమె హృదయం నీళ్ళలా ద్రవించింది..
ఇంకో విషయం..
మధుర భావుకులైన సూరదాసు చైతన్యుడూ
అందీ అందని ఆ అనుభూతికై వేకారి యేడ్చారట..
నాకు ఇందులో ప్రతి పదమూ అపురూపంగా అనిపిస్తూంది..
కిన్నెరసాని పాటలలో రసావేశము
గట్టులొరసి పారిందట..
కిన్నెరసాని దుఃఖానికి వనాలేకాక తెలుగు వారి బ్రదుకులన్నీ పాటలైపోతాయట..
ఇలా చెబుతూ పోతే ప్రతి వాక్యాన్నీ మళ్ళీ చెప్పవలసివస్తుంది..
మీరు చదివి పరవశించండి..
![]() | ||||||||||||||||||||||||||||||||
లేబుళ్లు:
వ్యాసాలు
20 నవం, 2014
మనోంతరమున నొవ్వు గల్గిన.. ??
లేబుళ్లు:
ఆడియో
,
చిత్ర కవితలు
,
చిత్ర కవితా గీతికలు
,
వీడియోలు
,
సరస్వతీపుత్రుని పాద్యము
19 నవం, 2014
పసితనపు చాపలము..వశముగా నేమైన..
లేబుళ్లు:
చిత్ర కవితలు
,
జీవన చిత్రాలు
16 నవం, 2014
ఓహో పావురమా
లేబుళ్లు:
చిత్ర కవితలు
,
జీవన చిత్రాలు
15 నవం, 2014
చల్ చల్ గుర్రం ..
లేబుళ్లు:
చిత్ర కవితలు
,
జీవన చిత్రాలు
9 నవం, 2014
వినోద పరిశ్రమలు
కేవలం ఒత్తిడి నుంచీ దూరం చేసేవి కాదు
ఒక్కోప్పుడు జీవితాన్ని వెలిగించేవి హాబీలు
చేసే వుద్యోగం నుంచీ కాక తమ హాబీలవలన పేరు ప్రఖ్యాతులనందిన వ్యక్తులున్నారు..
ప్రముఖులైన వారు కూడా
తమ సంతోషాన్నీ విషాదాన్నీ హాబీలతో పంచుకుంటారు
మంచు విష్ణు అనే సినీ నటుడికి
రక రకాల చాకులు సేకరించడం హాబీ అట
ఒకసారి విదేశంలోని ఏర్పోర్టులో చెకింగ్ వారు అనుమానించి అతన్ని రక రకాలుగా ప్రశ్నించారు
అవి మారణాయుధాల కిందకి వస్తాయి
సంజాయిషీ ఇచ్చుకొని బయటపడేసరికి
తల ప్రాణం తోకకు వచ్చిందట..
ఇలాంటివి విన్నప్పుడు
ఎటు పోతోంది యువత అనిపిస్తుంది..
నాలుగు రోజులు సెలవులు వచ్చాయంటే చాలు! మనసును దోచే సుందర ప్రదేశాలనో,
అద్భుత కట్టడాలనో,
పురాతన భవనాలనో చూడాలనుకోవడం సహజం.
అందుకోసం
ఎంత ఖర్చు పెట్టడానికి కూడా వెనకాడరు
మరీ ఇంత తరచుగా కాకపోయినా
మరీ ఇంత తరచుగా కాకపోయినా
కనీసం
ఏడాదికో మారు పర్యటనకు
ప్రణాళిక సిద్ధం చేసుకునేవారూ వుంటారు.
వీరంతా
సంతోషాన్ని, ఆనందాన్ని, విజ్ఞానాన్ని
అందించే ప్రదేశాలను చూడ్డానికే
నూటికి
నూరు శాతం ప్రాధాన్యతనిస్తారు.
అయితే ఇంగ్లండ్కు చెందిన మెకాబ్రె
మార్క్...
వీరికి పూర్తి భిన్నమైన అభిరుచిగలవాడు.
సాధారణ మానవులు
జీవితంలో
కనీసం ఒక్కసారి కూడా
కాలు మోపడానికి...
సందర్శించడానికి ఇష్టపడని
శ్మశానాలను, సమాధులను
సందర్శించడమంటే అతగాడికి
అంతులేని ఆసక్తి.
చరిత్రలో పేర్గాంచిన వారి సమాధులను చూడడం ద్వారా నేను జ్ఞానం సంపాదిస్తున్నాను.
నా దృష్టిలో ...
ఒక్కో సమాధి ఒక్కో మ్యూజియం లాంటిది.
అది ప్రముఖుల గురించిన
విలువైన, అరుదైన సమాచారాన్ని
మనకు అందిస్తుంటుంది.
ఈ పద్ధతిలో నన్ను నేను చైతన్యవంతుణ్ణి చేసుకుంటుంటాను.'' అంటాడు మార్క్
లోకో భిన్న రుచిఃఇక్కడ పుట్టపర్తి వారు వినోద పరిశ్రమలు
అనే వ్యాసం వ్రాసారు పిల్లలకోసం
అందులో వారు చెప్పిన విషయాలు పిల్లలకు మాత్రమే కాదు
పెద్దలకూఎంతో ఆసక్తి దాయకం
విన్ స్టల్ చర్చిల్ చిత్రలేఖనం సాధన చేసాడట
కొక్కిరి గీతలుగా ఆరంభమైన అతని సాధన చిక్కనై ప్రకృతిని ప్రేమించేంత వరకూ వెళ్ళింది
అంత పట్టుదల కలవాడు కనుకే
రెండో ప్రపంచ యుధ్ధ కాలంలో
సాధించేదాకా సాధన మానకండి
ప్రయత్నం వదలకండి
సైనికులను ఉత్తేజితులను చేసేవాడట..
అలా ప్రయత్నించాడు కాబట్టే
గొప్పవాడయ్యాడు
మొదట్లో తను గీసిన ఒంకర టింకర గీతలను చూసి
యెవరైనా నవ్వితే చలించివుంటే
అతని సాధన ముందుకు సాగేదా...
బొడ్డు చెర్ల తిమ్మన అతని సమ ఉజ్జీ..
తిమ్మన అంటే రాయలకు అమిత అభిమానం..
అతనికొక అగ్రహారమే ఇచ్చేశాడట రాయలు
అంతేకదా రాజులు తలుచుకుంటే దెబ్బలకు సారీ అగ్రహారాలకు కొదువా..
పుట్టపర్తి వ్యాసాలలో వారి జీవితానుభవాలు
వ్యక్తులు అప్పుడప్పుడూ దర్శనమిస్తారు.
తిరుమల కొండపై దశావతారాలను ముగ్గులు తీర్చే స్త్రీ మొదలు..
జ్యోతిషం తో ఖండాంతర ఖ్యాతి పొందిన
తహశీల్దారు వరకూ ఎందరో ..
సంగీతం గాత్రం సాధించలేక పోయానే
అన్న బాధతో
పక్క వాయిద్యాలపై చేయి వేశాను
ఫి డేలు కొంత గోకి వదిలాను ..
వీణ సాధనమూ చేసాను ..
మృదంగం కొట్టినాను..
అడపా దడపా ..
మేళం పీక కూడా నోట్లో పెట్టుకున్నట్లు జ్ఞాపకం
ఏమైతే యేం..
వచ్చే జన్మలో నైనా
మంచి సంగీతజ్ఞుడు కావలెనని నా ఆశ..
నేను ఊరికే ఉండే సమయం అంటూ ఎప్పుడూ వుండదు..
ఎప్పుడూ పరిశ్రమే నా ఊపిరి..
ఇవన్నీ ఎవరికీ చెప్పాలి..??
చెపితే వింటాడా .. ??
అన్న ప్రశ్నలు నాకు పట్టవు..
నేను తెలుసుకొవలె..
నా జీవ సంస్కారం అభివృధ్ధి కావలె అన్నదే నా ఆశ..
అంటారు తన గురించి పుట్టపర్తి..
అన్న బాధతో
పక్క వాయిద్యాలపై చేయి వేశాను
ఫి డేలు కొంత గోకి వదిలాను ..
వీణ సాధనమూ చేసాను ..
మృదంగం కొట్టినాను..
అడపా దడపా ..
మేళం పీక కూడా నోట్లో పెట్టుకున్నట్లు జ్ఞాపకం
ఏమైతే యేం..
వచ్చే జన్మలో నైనా
మంచి సంగీతజ్ఞుడు కావలెనని నా ఆశ..
నేను ఊరికే ఉండే సమయం అంటూ ఎప్పుడూ వుండదు..
ఎప్పుడూ పరిశ్రమే నా ఊపిరి..
ఇవన్నీ ఎవరికీ చెప్పాలి..??
చెపితే వింటాడా .. ??
అన్న ప్రశ్నలు నాకు పట్టవు..
నేను తెలుసుకొవలె..
నా జీవ సంస్కారం అభివృధ్ధి కావలె అన్నదే నా ఆశ..
అంటారు తన గురించి పుట్టపర్తి..
నిశ్శబ్ద దృశ్యం
లేబుళ్లు:
చిత్ర కవితలు
దీనికి సబ్స్క్రయిబ్ చేయి:
పోస్ట్లు
(
Atom
)
















