గుండె గులాబీలైన పుట్టపర్తి లీవ్స్ ఇన్ ద విండ్.. పుట్టపర్తి లీవ్స్ ఇన్ ద విండ్ ను -"గుండె గులాబీల" పేరుతో శ్రీ అన్నవరం ఆదిశేషయ్య గారు అప్పట్లో అనువదించారు.. పుట్టపర్తి దీన్ని ఆశీర్వదించారు.. ఆ అనువాదం పై వచ్చిన విశ్లేషణ ఇది.. దీని వెనుక ఎప్పట్లానే శ్రీ శ్రీశైలం గారి తోడ్పాటు.. ఉంది.. అవధరించండి.. పుట్టపర్తి అనూరాధ.
''కావ్యద్వయి'' పుట్టపర్తి దంపతుల రచన అయ్య తొలిసారిగా అమ్మ రచనలను ప్రోత్సహించి.. తనతోపాటూ రెండవ మూర్ఛ్చనగా అమ్మ స్వరాన్ని వినిపించారు.. ఇందులో ఆకాలంలో వేళ్ళూనుకుంటున్న వచన రచనా సరళిని కూడా కొంత ప్రకటించడం జరిగింది.. ఇది నాకు అద్భుతంగా అనిపించింది.. 'వింటివా పదము చెల్లె..' అన్నప్పుడు.. తెలంగాణా వాసుల 'చెల్లె' పదం తీయదనా నికి నా కన్నుల్లో నీళ్ళు చిప్పిల్లాయి ..
నా నాలుకకు ఆపరేషన్ జరిగింది.. కొన్ని పదాలు పలుకక చెవులకు కష్టం కలిగించవచ్చు.. ఉదాహరణకు వీణను అప్పుడప్పుడు వీనను చేశాను సహృదయంతో క్షమించగలరు.. పుట్టపర్తి అనూరాధ.
ఒకసారి పుట్టపర్తి అనంతపురంలో జరిగిన సాహిత్యోపన్యాసాలకు
వెళ్ళినప్పుడు కడపలో 'ఆల్ ఇండియా ఓరియెంటల్ కాన్ఫరెన్స్' జరిగింది. గంటి జోగి
సోమయాజి సభాధ్యక్షుడు.
ఆ సభలో పుట్టపర్తి గురించి "ఆయనకు తెలుగు తప్ప ఏ
భాషా రాదు. పధ్నాలుగు భాషలు వచ్చని ప్రచారం చేసుకుంటాడు." అని విమర్శలు
చేశారు. పుట్టపర్తి శిష్యులు ఉడికి పోయారు ..
ఆ రాత్రే తిరిగి వచ్చిన ఆయనకీ వార్తను చెప్పారు.. మరునాడు సభకు వెళ్ళిన పుట్టపర్తి
"14 భాషల్లో ఎవరు ఏ
భాషలో నైనా ఏ ప్రశ్నైనా వేయవచ్చు. మీరు అడగండి. ఏ భాషలోనైనా సరే ఆశు
కవిత్వం చెబుతాను." అని
'సాహిత్యంలో అహంకారం ' అనే విషయం మీద రెండున్నర గంటలు
మాట్లాడి "నాకు అహంకారముంది. దీంట్లో న్యాయముంది." అన్నారు.
పుట్టపర్తి మేఘదుతం పై గిరిజామనోహర్ గారి అభిప్రాయం.. అక్కయ్య ఇచ్చిన నంబర్లతో గిరిజామనోహర్ గారిని ఫోన్ లో సంభాషించినప్పుడు.. నేనెవరో తెలియకపోయినా.. నాగపద్మిని గారి చెల్లెల్ని .. పుట్టపర్తి వారి అమ్మాయిని అనగానే.. కేవలం ఫోన్ లోనే నాతో ఆప్యాయంగా సంభాషించి.. చిన్న ఇంటర్వ్యూ వంటిది ఇచ్చారు ఆ సందర్భంలో తాను మేఘదూతంపై వరుసగా వ్యాసాలు అప్పట్లో వ్రాసినట్లు కూడా చెప్పారు.. మీరు ఆ వ్యాసాలు నాకిస్తే ధన్యురాలిని అవుతానని చెప్పినప్పుడు సరే నన్నారు ఇంతలో అక్కయ్య శత వత్సర సభ పెట్టటం అందు లో భాగంగా గిరిజా మనోహర్ గారి ప్రసంగభాగం పెట్టటం జరిగింది.. అది ఇదే.. వీరు విశ్వనాధ అభిమాని.. పుట్టపర్తి అభిమాని కూడా తెలంగాణా వాసి.. చూశారా.. సాహిత్యానికి ప్రాంతీయ భేదాలు లేవు మనుషుల మనసులకు కూడా లేవు ఇది కేవలం రాజకీయ కీటకాలకు మాత్రమే..
ఒక అబ్బాయి మా ఇంటికి వచ్చేవాడు.. మౌనంగా కూచునే వాడు.. పిలిస్తే పలికే వాడు అయ్య ఎక్కడికి వెళ్ళినా తోడు పట్టుకుని తీసుకు వెళ్ళటం వెంటే వుండటం తీసుకు రావటం. అతనికి పుట్టపర్తి గురించి ఎంత తెలుసో తెలియదు కాలేజీకి వెళ్ళి వచ్చేవరకూ మాత్రమే కనబడేవాడు కాదు అంతే.. అలా రోజులు గడిచాయి క్రమక్రమంగా అయ్యకు అతను కుడిభుజమైపోయాడు.. అతని డిగ్రీ.. అయిపోయింది.. వెంటనే APPSC పరీక్షలు రాసాడు.. పరీక్ష పాసయ్యాడు.. ఇంటర్వ్యూ కడపలోనే.. ఎవరు ఇంటర్వ్యూ చేస్తున్నారో తెలుసుకున్నాడు నన్ను రెకమెండ్ చేయమని ప్రాధేయపడ్డాడు.. సరే అన్నారు అయ్య.. రిక్షా ఎక్కించుకుని తీసుకు వెళ్ళాడు.. ఒరే వీడు నా వాడు వీణికి ఉద్యోగం ఇవ్వరా.. అని అక్కడి సంబంధిత అధికారికి చెప్పారు పుట్టపర్తి.. సరే నన్నారు ఆ సంబంధిత అధికారి అయ్యపై గౌరవంతో.. కొద్దిరోజులు గడిచాయి.. అతనికి కడప కలెక్టరాఫీసులో ఉద్యోగం వచ్చింది.. క్లర్క్ గా.. అతనికీ ఆనందం. అయ్యకూ అనందం.. కొద్దిరోజులకు అక్కడే ఉద్యోగం చేసే పిల్లను పెళ్ళి చేసుకున్నాడు.. అతని జీవితం కుదుటపడింది.. తర్వాత అతనికి అయ్య దగ్గరికి రావటానికి టైం లేదు.. అయ్య కనీసం బాధైనా పడలేదు..
